திருச்சி மாவட்டத்தில் ஒரு லட்சம் வளர் இளம்பெண்களுக்கு வாழ்க்கை முறை கல்வி கலெக்டர் ஜெயஸ்ரீ முரளிதரன் தகவல்

Friday, 1 November 2013

திருச்சி மாவட்டத்தில் ஒரு லட்சம் வளர் இளம்பெண்களுக்கு வாழ்க்கை முறை கல்வி கலெக்டர் ஜெயஸ்ரீ முரளிதரன் தகவல்

திருச்சி மாவட்டத்தில் ஒரு லட்சம் வளர் இளம்பெண்களுக்கு வாழ்க்கை கல்வி கற்றுக்கொடுக்கப்பட்டு வருவதாக கலெக்டர் ஜெயஸ்ரீ முரளிதரன் தெரிவித்தார்.

ஐம்பெரும் விழா

திருச்சி மாவட்டத்தில் ஒருங்கிணைந்த குழந்தைகள் வளர்ச்சித் திட்டத்தின் சார்பில் உலக தாய்ப்பால் வாரவிழா, தேசிய ஊட்டச்சத்து வாரவிழா, உலக கை கழுவும் தினம், உலக அயோடின் தினம் மற்றும் உலக உணவு தினம் ஆகிய ஐம்பெரும் விழா கி.ஆ.பெ.விசுவநாதம் அரசு மருத்துவக் கல்லூரி கூட்ட அரங்கில் நேற்று நடைபெற்றது. மாவட்ட கலெக்டர் ஜெயஸ்ரீ முரளிதரன் தலைமை தாங்கினார்.

இவ்விழாவில் ஆரோக்கியமான குழந்தைகள், மாறுவேடப் போட்டியில் கலந்து கொண்ட அங்கன்வாடி குழந்தைகளுக்கு பரிசுகள் வழங்கி கலெக்டர் ஜெயஸ்ரீ முரளிதரன் பேசியதாவது:-

தாய்ப்பால் கொடுக்கும் பழக்கம் பெண்களிடையே குறைந்து வருகிறது. தாய்ப்பால் குழந்தையின் உரிமையாகும். எல்லாவிதமான சத்துக்களும் தாய்ப்பாலில் உள்ளது. மேலைநாடுகளில் பெண்களிடையே குழந்தை பிறந்த 6 மாத காலம் வரை தாய்ப்பால் கொடுக்க வேண்டும் என்ற விழிப்புணர்வு ஏற்பட்டுள்ளது. மூளை மற்றும் உடல் உறுப்புகள் வளர்ச்சிக்கு தாய்ப்பாலுக்கு இணையாக எதுவுமில்லை. இக்காலத்தில் நகர்ப்புறப் பெண்களிடையே சர்வசாதாரணமாக மார்பக புற்றுநோய் உண்டாகிறது. இதற்கு முக்கிய காரணம் வாழ்க்கை முறை மாற்றமும், தாய்ப்பால் கொடுக்காததும் ஆகும். தாய்ப்பால் அளிப்பதால் தாயின் ஆரோக்கியமும், குழந்தையின் ஆரோக்கியமும் நன்றாக இருக்கும்.

வளர் இளம்பெண்களுக்கு கல்வி

தமிழக அரசு வளர் இளம்பெண்களுக்கு வாழ்க்கைமுறைக் கல்வி கற்றுக்கொடுக்க அதிக நிதி ஒதுக்கீடு செய்துள்ளது. திருச்சி மாவட்டத்தில் ஒரு லட்சம் வளர் இளம் பெண்களுக்கு வாழ்க்கைக் கல்வி அளிக்கப்பட்டு வருகிறது. இக்கல்வியில் மாதவிடாய் காலத்தில் சுகாதாரத்தை பேணுவது குறித்தும், பால்வினை நோய், எச்.ஐ.வி. பாதுகாப்பு, ஒழுக்கம், கட்டுப்பாடு குறித்த விழிப்புணர்வு அளிக்கப்படுகிறது. இதுதவிர, விலையில்லா சானிடரி நாப்கின் மற்றும் ரத்த சோகையை தடுக்க இரும்புச்சத்து மாத்திரைகள் வழங்கப்படுகிறது.

இவ்வாறு அவர் பேசினார்.

இந்த விழாவில் அனைத்து அங்கன்வாடி மையங்களிலும் தோட்டங்கள் அமைக்கச் செடிகள் மற்றும் காய்கறி விதைகளும் வழங்கப்பட்டது. ஊட்டச்சத்து பற்றாக்குறை உள்ள 10 குழந்தைகளை தத்தெடுத்து 3 மாதகாலத்தில் அவர்களை ஆரோக்கியமான குழந்தைகளுக்கு இணையாக வளர தேவையான ஊட்டச்சத்து மற்றும் உடல் நல உதவிகள் வழங்கிய என்.ஐ.டி. பொறியியல் கல்லூரி மாணவர்களுக்கும் பாராட்டுச் சான்றிதழ் வழங்கப்பட்டது. 2011-12, 2012-13 ஆண்டு முடிய சிறப்பாகப் பணியாற்றிய அங்கன்வாடி பணியாளர்களுக்கும், தாமாக முன்வந்து அங்கன்வாடி மையங்களுக்கு அடிப்படை வசதிகள் செய்து கொடுத்த தன்னார்வலர்கள் 16 நபர்களுக்கும் பாராட்டுச் சான்றிதழும் வழங்கப்பட்டது.

மருத்துவக்கல்லூரி முதல்வர் டாக்டர் வள்ளிநாயகம், துணை முதல்வர் டாக்டர் எம்.ஏ. அலீம் உள்பட பலர் கலந்து கொண்டனர்.

திருச்சி அரசு மருத்துவமனையின் உயர் சிறப்பு மருத்துவ சிகிச்சை பிரிவு விரைவில் திறப்பு

திருச்சி அரசு மருத்துவக் கல்லூரி மருத்துவமனையில் ரூ.55 கோடி செலவில் கட்டப்பட்டுள்ள உயர் சிறப்பு மருத்துவ சிகிச்சை பிரிவின் கட்டுமான பணிகள் நிறைவடந்த நிலையில் சிறப்பு மருத்துவ சிகிச்சை பிரிவு விரைவில் திறக்கப்படும் என மருத்துவமனையின் முதல்வர் டாக்டர் கார்க்குழலி தெரிவித்தார். 
திருச்சி கி.ஆ.பெ.விஸ்வநாதம் அரசு மருத்துவக்கல்லூரியுடன் இணைந்த மாகாத்மா காந்தி அரசு மருத்துவமனை சூப்பர் ஸ்பெஷாலிட்டியாக தரம் உயர்த்தப்படும் என முதல்-அமைச்சர் ஜெயலலிதா அறிவித்தார். மேலும் இதற்காக ரூ.100 கோடி நிதி ஒதுக்கினார். இதையடுத்து திருச்சி அரசு மருத்துவமனையில் கட்டுமான பணிகள் விரைவாக நடந்தன. இந்த நிலையில் பணிகள் பெருமளவு முடிந்து இறுதி கட்டத்தை எட்டியுள்ளது. 
திருச்சி அரசு மருத்துவமனை 660 படுக்கை வசதிகளுடன் செயல்பட்டு வருகின்றது. இந்த மருத்துவமனையில் ரூ.55 கோடி செலவில் விபத்து மற்றும் உயர் சிறப்பு மருத்துவ சிகிச்சை பிரிவுவின் கட்டிட பணிகள் நடந்து வருகிறது. இந்த பணிகள் அனைத்தும் முடிந்து இறுதி கட்டத்தை எட்டியுள்ளது. கட்டிடத்தில் மின் இணைப்பு மற்றும் இறுதி கட்ட பணிகள் நடைபெற வேண்டி உள்ளது. இந்த மாதத்திற்குள் பணிகள் அனைத்து முடிந்து கட்டிடம் ஒப்படைக்கப்படுகிறது. இந்த உயர் சிறப்பு மருத்துவ சிகிச்சை பிரிவுவை முதல்-அமைச்சர் ஜெயலலிதா விரைவில் திறந்து வைக்க உள்ளார். 
இந்த சிகிச்சை பிரிவு தரைத்தளம் மற்றும் 6 மேல் தளங்களுடன் அமைக்கப்பட்டு உள்ளது. தரைதத்தளத்தில் முடநீக்கியல் துறையும், நுண் கதிர் பரிசோதனை பிரிவும் செயல்படும். முதல் தளத்தில் இருதய நோய் துறையும், 2-வது தளத்தில் நரம்பியல் மற்றும் மூளை மருத்துவ துறையும், 3-வது தளத்தில் சிறுநீரக துறையும், 4-வது தளத்தில் குழந்தைகளுக்கான சிகிச்சை துறையும், 5-வது தளத்தில் இரைப்பை மற்றும் குடல் நோய் துறையும், 6-வது தளத்தில் புற்றுநோய் சிகிச்சை துறையும் இயங்கும். 6 தளத்திலும் துறைகள் சார்ந்த நோய்களுக்கு அறுவை சிகிச்சை அரங்குகள் அமைக்கப்படுகிறது. உயர் சிகிச்சைக்காக ரூ.45 கோடியில் நவீன கருவிகள் வாங்கப்பட உள்ளன. 
இந்த கட்டிடத்தில் மொத்தம் 440 படுக்கைகள் வசதிகள் செய்யப்பட்டுள்ளன. தற்போது உள்ள மருத்துவர்களை விட கூடுதலாக டாக்டர்கள் மற்றும் மருத்துவ ஊழியர்கள் நியமனம் செய்யப்பட உள்ளனர். இந்த விபத்து மற்றும் உயர் சிறப்பு மருத்துவ சிகிச்சை பிரிவு செயல்பட தொடங்கியதும் அதி நவீன உயர்தர சிகிச்சைகளை நோயாளிகளுக்கு கூடுதலாக வழங்க முடியும். 
திருச்சி அரசு மருத்துவமனையில் 2013-ம் ஆண்டில் உள் நோயாளிகளாக 59 ஆயிரத்து 537 பேரும், புற நோயாளிகளாக 8 லட்சத்து 72 ஆயிரத்து 300 பேரும் சிகிச்சை பெற்றுள்ளனர். கடந்த 2 ஆண்டுகளை ஒப்பிடும் போது நோயாளிகளின் எண்ணிக்கை அதிகமாகி உள்ளது. அனைவரும் நல்ல முறையில் சிகிச்சை பெற்று திரும்பி உள்ளனர். 
பக்கத்து மாவட்டங்களை சேர்ந்த நோயாளிகள் பலர் உயர் சிகிச்சைக்காக திருச்சி அரசு மருத்துவமனைக்கு அதிக அளவில் வருகின்றனர். கடந்த ஆண்டில் மட்டும் சிறிய மற்றும் பெரிய அறுவை சிகிச்சைகள் என மொத்தம் 20 ஆயிரத்து 803 அறுவை சிகிச்சைகள் நடந்துள்ளன. 
திருச்சி கி.ஆ.பெ.விசுவநாதம் அரசு மருத்துவ கல்லூரியில் எம்.பி.எஸ்.எஸ். படிப்பில் மாணவர் சேர்க்கை எண்ணிக்கை 100-ல் இருந்து 150 ஆக அதிகரிக்கப்பட்டுள்ளது. இதற்காக கட்டிட வசதிகளை அதிகப்படுத்தி வருகிறோம். மருத்துவ குழுவினர் ஏற்கனவே ஒரு முறை வந்து ஆய்வு செய்துள்ளனர். இந்த நிலையில் மீண்டும் ஆய்வு செய்ய விரைவில் வருகை தர உள்ளனர். புதிதாக திறக்கப்பட்ட மகப்பேறு மருத்துவமனை கட்டிடத்தில் கடந்த ஒரு மாதத்தில் 450 குழந்தைகள் பிறந்துள்ளன. இவ்வாறு அவர் கூறினார். 
பேட்டியின் போது துணை முதல்வர் டாக்டர் எம்.ஏ.அலீம், சூப்பிரண்டு கனகசுந்தரம், இணை இயக்குனர் (நலப்பணிகள்) மனோகர் ஆகியோர் உடன் இருந்தனர். முன்னதாக புதிதாக திறக்கப்பட்ட மகப்பேறு மருத்துவமனையில் சிகிச்சை பெறும் குழந்தைகளை துணை முதல்வர் டாக்டர் அலீம், சூப்பிரண்டு கனகசுந்தரம் ஆகியோர் பார்வையிட்டு ஆய்வு செய்தனர்.

பிளாஸ்டிக் பொருட்கள் மூலம் ஏற்படும் தீங்குகள்

பிளாஸ்டிக் பொருட்கள் மூலம் அடைத்து விற்கப்படும் உணவு பொருட்களால், ஏற்படும் தீங்குகள் என்ன என்பது குறித்த விழிப்புணர்வு பேரணி, திருச்சியில் நடைபெற்றது.
திருச்சியில், பிளாஸ்டிக் பொருட்களால் ஏற்படும் தீங்குகள் குறித்த விழிப்புணர்வு பேரணி, ஜமால் முகமது கல்லூரி மாணவர்கள் சார்பில் நடைபெற்றது. இதில் அரசு மருத்துவ கல்லூரியின் துணை முதல்வர் டாக்டர் எம்.ஏ அலீம் கலந்து கொண்டு கொடியசைத்து தொடங்கி வைத்தார். குழந்தைகள் விரும்பி சாப்பிடும் சிப்ஸ் போன்ற பொருட்கள் பிளாஸ்டிக் பைகளில் விற்கப்படுவதால் தீங்கு ஏற்படுகிறது என்றும், எனவே பிளாஸ்டிக் பொருட்களின் பயன்பாட்டை குறைத்தால் நோய் வராமல் பாதுகாக்க முடியும் என்ற கோஷங்களை எழுப்பியவாறு, விளம்பர பதாகைகளை ஏந்தி மாணவர்கள் ஊர்வலமாக சென்றனர்.இந்த பேரணியில், பேராசிரியர்கள், சமூக ஆர்வலர்கள் உள்ளிட்ட 500க்கும் மேற்பட்டோர் கலந்து கொண்டனர்.
source:Sathiyam TV January 8, 2014

டாக்டர்கள் மற்றும் மருத்துவ ஊழியர்கள் பெண் குழந்தைகளை பாதுகாக்க சமூக உணர்வுடன் நடந்து கொள்ளவேண்டும் திருச்சியில் நடந்த கருத்தரங்கில் கலெக்டர் ஜெயஸ்ரீ முரளிதரன் பேச்சு

பதிவு செய்த நாள் : Nov 27 | 01:28 am

திருச்சி,daily thanthi

பெண் குழந்தைகளை பாதுகாக்க டாக்டர்கள் மற்றும் மருத்துவ ஊழியர்கள் சமூக உணர்வுடன் நடந்து கொள்ளவேண்டும் என்று திருச்சியில் நடந்த கருத்தரங்கில் கலெக்டர் ஜெயஸ்ரீ முரளிதரன் பேசினார்.

கருத்தரங்கு

கருவில் இருக்கும் குழந்தை ஆணா, பெண்ணா என்பதை கண்டறிவது சட்டப்படி குற்றம் என்பது பற்றிய பயிற்சி கருத்தரங்கம் திருச்சியில் நேற்று நடைபெற்றது. சுகாதார துறை சார்பில் நடைபெற்ற இந்த கருத்தரங்கில் அரசு மற்றும் தனியார் மருத்துவமனை டாக்டர்கள், ஸ்கேன் சென்டர் உரிமையாளர்கள் கலந்து கொண்டனர். இந்த கருத்தரங்கை திருச்சி மாவட்ட கலெக்டர் ஜெயஸ்ரீ முரளிதரன் தொடங்கி வைத்தார். கலெக்டர் தலைமையில் அனைவரும் பாலின பாகுபாடுக்கு எதிரான உறுதிமொழி ஏற்றுக்கொண்டனர்.

கலெக்டர் பேச்சு

கருத்தரங்கில் கலெக்டர் ஜெயஸ்ரீ முரளிதரன் பேசியதாவது:–

பெண் குழந்தைகளை பாதுகாக்க மருத்துவர்களும், ஸ்கேன் சென்டரில் பணியாற்றுபவர்களும் சமூக உணர்வுடன் நடந்து கொள்ள வேண்டும். இல்லையெனில் மனிதர்களாக பிறந்ததில் அர்த்தம் இல்லை. மருத்துவ கணக்கெடுப்பின் படி, கடந்த 20 வருடங்களில் ஒரு கோடி பெண் குழந்தைகள் கருச்சிதைவு நடைபெற்றுள்ளது என தெரிவிக்கப்பட்டுள்ளது. யுனிசெப் புள்ளி விவரப்படி, சமூகத்தில் வேரூன்றி இருக்கும் ஆண் குழந்தை வேண்டும் என்ற கீழ்த்தரமான எண்ணத்தின் விளைவின் காரணமாக இந்தியாவில் 8000 குழந்தைகளில் 7997 பெண் குழந்தைகள் கருக்கலைப்பு நடைபெற்றுள்ளது.

பெண் குழந்தைகள் குறைவு

திருச்சி மாவட்டத்தில் 2011 கணக்கெடுப்பின்படி, 5 வயதிற்குட்பட்ட குழந்தைகளில் ஆயிரம் ஆண் குழந்தைகளுக்கு 947 பெண் குழந்தைகள் மட்டுமே உள்ளனர். பெண் சிசு கொலைக்கு கூறப்படும் சமூகக் காரணங்களில் வறுமை முக்கியமானதாகக் கூறப்படுகிறது. டெல்லி, பஞ்சாப் போன்ற வளர்ச்சியடைந்த மாநிலங்களில் கூட இக்கொடுமை அதிகமாக நடைபெறுகிறது. எனவே, இதற்கு வறுமை முக்கிய காரணமல்ல என்பதும், சமூகத்தில் ஆண் குழந்தை இருந்தால் தான் கவுரவம் என்ற பிற்போக்கு மனப்பான்மை தான் காரணம் என்பது நிதர்சனமான உண்மையாகும்.

அபாயம்

பெண் குழந்தைகள் எந்த வகையிலும் ஆண் குழந்தைகளுக்கு சோடை போகாது. பெற்றோர்களை கடைசி வரை காப்பாற்றுவது பெண் குழந்தைகள் தான். பெண் சிசு கொலையால் பிற்காலத்தில் வரக்கூடிய சமூக விளைவுகள் மிகவும் அபாயகரமானதாக இருக்கும். திருமணம் செய்ய பெண் கிடைக்காத நிலையும், பெண்ணை விலைகொடுத்து வாங்க வேண்டிய சூழ்நிலையும் உண்டாகும். இதுதவிர, ஒரு பெண் பல ஆண்களை திருமணம் செய்து கொள்ளக் கூடிய வன்கொடுமையும் உண்டாகும் நிலை ஏற்பட வாய்ப்பு உள்ளது. பெண் சிசு கொலையை தடுப்பதை சட்டத்தால் மட்டுமே மாற்றிவிட முடியாது. எறும்பு ஊற கல்லும் தேயும் என்ற சொல்லுக்கேற்ப மக்களுக்கு நாம் சொல்லி, சொல்லித்தான் மனமாற்றத்தைக் கொண்டு வரவேண்டும்.

இவ்வாறு அவர் பேசினார்.

இக்கருத்தரங்கில் இணை இயக்குனர் (நலப்பணிகள்) மனோகரன், கி.ஆ.பெ. விசுவநாதன் அரசு மருத்துவக் கல்லூரி முதல்வர்ஆர்.வள்ளி நாயகம், துணை முதல்வர் டாக்டர் அலீம், வருவாய் கோட்டாட்சியர்கள் ஆர். ஜெயினுலாப்தீன் (முசிறி), ஜனனி சவுந்தர்யா (ஸ்ரீரங்கம்), அரசு வழக்கறிஞர் எம். அசோகன், டாக்டர் பரிமளா தேவி உள்பட பலர் கலந்து கொண்டனர்.

மணப்பாறை பெண்ணுக்கு 4 கை, 4 கால்களுடன் ஆண் குழந்தை பிறந்தது. அந்த குழந்தைக்கு திருச்சி அரசு மருத்துவமனையில் தீவிர சிகிச்சை

மணப்பாறை பெண்ணுக்கு 4 கை, 4 கால்களுடன் பிறந்த ஆண் குழந்தை திருச்சி அரசு மருத்துவமனையில் தீவிர சிகிச்சை

பதிவு செய்த நாள் : Dec 25 | 11:30 pm

திருச்சி,

மணப்பாறை பெண்ணுக்கு 4 கை, 4 கால்களுடன் ஆண் குழந்தை பிறந்தது. அந்த குழந்தைக்கு திருச்சி அரசு மருத்துவமனையில் தீவிர சிகிச்சை அளிக்கப்பட்டு வருகிறது.

ஆண் குழந்தை பிறந்தது

திருச்சி மாவட்டம் மணப்பாறை பகுதியை சேர்ந்தவர் மாமுண்டி. விவசாயியான இவரது மனைவி விஜயா(வயது 29). இவர்களுக்கு 4 மகள்கள் உள்ளனர். இந்த நிலையில் விஜயா மீண்டும் கருவுற்றார். கடந்த திங்கட்கிழமை பிரசவத்திற்காக மணப்பாறை அரசு மருத்துவமனையில் சேர்த்தனர்.

அங்கு அவருக்கு ஆண் குழந்தை பிறந்தது. அந்த குழந்தைக்கு 2 கைகளும், 2 கால்களும், வயிற்று பகுதியில் வளர்ச்சியடையாத நிலையில் உடலின் பின்பகுதியும் அதில் 2 கைகளும், 2 கால்களும் இருந்தது. இதனை கண்டு டாக்டர்கள் அதிர்ச்சியடைந்தனர். 2 குழந்தைகள் ஒட்டி பிறந்ததில் ஒரு குழந்தைக்கு ஜீன்கள் சரியாக வளராதது தெரிய வந்தது.

அறுவை சிகிச்சை மூலம் அகற்ற...

இதையடுத்து அந்த ஆண் குழந்தையை நேற்று திருச்சி அரசு மருத்துவமனைக்கு சிகிச்சைக்காக அனுப்பி வைத்தனர். திருச்சி அரசு மருத்துவமனையில் பிறந்த குழந்தைகளுக்கு சிகிச்சை அளிக்கும் வார்டில் இன்குபேட்டரில் அந்த ஆண் குழந்தை வைக்கப்பட்டுள்ளது. இந்த குழந்தையின் வயிற்று பகுதியில் தலை மற்றும் உடல் இல்லாமல் ஒட்டியுள்ள 2 கை, 2 கால்கள் மற்றும் உடலின் பின்பகுதியை அறுவை சிகிச்சை மூலம் அகற்ற டாக்டர்கள் முடிவு செய்துள்ளனர்.

இதற்கான நடவடிக்கையை திருச்சி அரசு மருத்துவமனை டீன் வள்ளிநாயகம் தலைமையில் துணை முதல்வர் டாக்டர் அலீம், மருத்துவமனை கண்காணிப்பாளர் கனகசுந்தரம், குழந்தைகள் அறுவை சிகிச்சை மருத்துவர் டாக்டர் பாஸ்கரன் ஆகியோர் மேற்கொண்டுள்ளனர்.

முதல்–அமைச்சர் மருத்துவ காப்பீட்டு திட்டம்

வருகிற திங்கட்கிழமை அறுவை சிகிச்சை நடைபெற ஏற்பாடு செய்யப்பட்டுள்ளது. மேலும் இந்த அறுவை சிகிச்சை முதல்–அமைச்சரின் மருத்துவ காப்பீட்டு திட்டத்தில் மேற்கொள்ள இருப்பதாக அரசு மருத்துவமனை டாக்டர்கள் வட்டாரத்தில் தெரிவித்தனர்.

தற்போது அந்த ஆண் குழந்தை டாக்டர்களின் தீவிர கண்காணிப்பில் உள்ளது. அறுவை சிகிச்சைக்கு தேவையான ஒவ்வொரு பரிசோதனைகளையும் டாக்டர்கள் மேற்கொண்டு வருகின்றனர். இது போன்று வித்தியாசமான அறுவை சிகிச்சை திருச்சி அரசு ஆஸ்பத்திரியில் முதல் முறையாக நடைபெற உள்ளதாக டாக்டர்கள் தெரிவித்தனர்.

No end to nursing students' strike
Feb 1, 2014, 03.44AM IST TNN?[ R Gokul ].Times of India Trichy
TRICHY: The efforts of the Trichy district administration to end the agitation of the students of government nursing school here failed as the strike entered its third day on Friday. The students are demanding the scrapping of the government order to recruit students of private nursing colleges by the medical recruitment board (MRB). Meanwhile, service to patients was hit slightly due to the students' strike at the Mahatma Gandhi Memorial Government Hospital (MGMGH), sources said.
On Friday, around 50 students met the collector at her office after she had invited them for talks. Dr MA Aleem, vice-principal of KAP Viswanatham Government Medical College, and T Maragatham, the principal of the government school of nursing led the delegation.
As the students were not convinced by the collector's assurance to take the matter to the government, they decided to continue the strike, with the protesters sitting under the scorching sun.
Meanwhile, more than 350 nursing students are protesting in front of the MGMGH, pressing the government to revoke its order to appoint nurses of private colleges through MRB.
T Leelavathi, state secretary of Tamil Nadu Government Nurses Association, blamed some students from outside for 'allegedly instigating' the nursing students to continue the strike. She was seen having heated arguments with some students from elsewhere.
Leelavathi said that their association had submitted a plea to the government to give priority to the students of government nursing school in MRB recruitments. "We demand the government to provide reservation to government students in MRB recruitment examinations. But the students are carrying on with the strike due to support from external forces," Leelavathi said.
Maragatham said students should not be scared of taking up competitive examinations. "We are neither encouraging nor opposing the students' strike. Compared to private nursing college students, government college students are provided quality training. So, they are capable of winning in competitive examinations. They needn't refrain from taking up exams to join government services," Maragatham noted.
MGMGH sources said the strike has affected nursing care to patients at MGMGH, which is reeling under shortage of staff nurses. More than 500 nursing students are deployed here as trainees to assist the staff nurses.
Dr P Karkuzhali, dean of MGMGH, said the hospital administration is concerned about the agitating nursing students. "The nursing students already submitted their two demands and we forwarded them to the government. So, I did not discuss with them on the third day. But we are looking after the needss of the students who are on strike,' she said.
However, she claimed that patient care at MGMGH was not affected due to the ongoing strike.

Nurses continue strike, seek revocation of high court order
Times of India Trichy
Jan 31, 2014, 04.57AM IST TNN TRICHY: In what is considered to be the fallout of inept handling of the nurses' issue at the K A P Viswanatham Government Medical College, nursing students braved the sun throughout the day protesting against the order of the Madurai bench of Madras high court that nurses should be appointed through the Tamil Nadu Public Service Commission (TNPSC).
The trainee nurses at the KAPV government medical college first went on a flash strike on January 11 on the hospital premises resulting in the disruption of work for a few hours. They then protested the state government's decision to fill the vacancies through the TNPSC. About 300 nurses had demanded disparity between the private and government when it came to appointment. The KAPV government medical college vice-principal, Dr M A Aleem had then assured the students that the agitating nursing students' demands would be sent to the directorate of medical education (DME).
Since there was no response, the students once again went on an indefinite strike from the morning of Wednesday. All the efforts to pacify them did not curry any favour as the nurses were determined to carry on their strike throughout Wednesday night. The agitation continued throughout Thursday.
The trainee nurses also raised slogans against government's move. The nurses said that they would continue their strike, till the government issued an order revoking the TNPSC examination. They said that despite their long struggle, no concerned officials called them so far to hold talks.
A large posse of police personnel was posted in and around the hospital. Since the nurses staged the agitation near the main entrance, 108 ambulances were diverted through other entrances. Dean, MGMGH, Dr P Karkuzhali told reporters that they had already sent the demands of nurses to the DME and they were helpless in the absence of any reply from the directorate.